Tarjamada Imaam Qawi

Maqaalo Kale

  • Muxuu ilaahay u abuuray jinka iyo insigaba ?

    •

 
  • Sifadda jannada Allaah

Waxaad farxada inoo ah in aan halkaan idin ku soo gudbino siiro aad u gaaban oo aan ka diyaarinay Al-Calaamah Sheekh Maxamed Nuur Qawi ilaahay ha xifdiyo, hana ku sugo xaqa, caafimaad taam ahna Allaha siiyo aamiin.

Sheekha Allaha xifdiyee wuxuu mowqif cad ah ka istaagay Manhajka Suubanaha calayhi salaatu waslaam iyo Salafkeeni ay nooga tageen, wuxuuna si khaalis ah ugu nasteexeyaya culimada wadanka Soomaaliya iyo Caamadoodaba iney qaadaan dariiqi ay qaadeen Suubanaha calayhi salaatu waslaam iyo Salafkeeni Allaha ka raali Noqdee,Asalna ka dhigtaan wax walbana ka hormariyaan faafinta Towxiidka Alle, Halkaasna Sheekha wuxuu kala kulmay Dhjibaatooyin badan iyo Dacaayado aad u fara badan, sidii loo dhibi jiray Nabiyadii Alle soo diri jiray

Al-Calaamah Maxamed Nuur Qawi Allaha Xifdiyo, Caafimaad taam ahan Allaha siiyo Wuxuu aad ugu caan baxay asalna ka dhigtay Kitaabka Alle iyo Sunnada Nabiga calayhi Salaatu Wasalaam Labadaasna in loo fahmo Sidey U fahmeen Ardaydii Rasuulka calayhi salaatu waslaam, wuxu sheekha ku caanbaxay ka digida Shirkiyaadka, Quraafaadka iyo bidcooyinka

Al-Calaamah Imaam Maxamed Nuur Qawi Allaha Xifdiyee waxa uu lee yahay Dabeecado iyo tawaaduc mudan ku dayasho, walaalahayga Islaamka ahow Bal aan dib u jaleecno Siirada Sheekha Dhalashadiisa, Nasabkiisa, Barbaarkiisa, Cilmigisa, Mashaaikhda waxa ka baratay iyo Sifooyinka uu ku caan baxay

  • Nasabkiisa: MAXAMED NUUR CUTHMAAN CALI ROOBLE QAWI AL-ORAMI, Qabiilka uu ka dhashayna waa Qabiilka ugu badan Bariga Afrika
  • Dhalashadiisa: Sheekha Wuxu ku dhashay Magaalada HARAR  Maalin ISNIIN ah Taariikhda markay ahyd 14 Bisha Rajab, Sanadkii 1355 hijrada, Tuulada la yiraahdo HARMAAYA
  • Bar-baarkiisa: Sheekhu Allaha xifdiyee wuxuu ku barbaaray Agoonimo aabihiis wuxuu dhintay isagoo 6 Bil ku ah caloosha hooyadiisa, hooyadiisana waxay dhimatay markuu shan iyo toban jiray Allaha u naxariisto labadiisa waalid. Sheekhu wuxuu ku barbaraay jawi  aan laga aqoon Manhajka Rasuulka calayhi Salaatu Wasalaam.
  • Waxbarashadiisa: waxaa la geeyaya Dugsi Quraan lagu xifdiyo, wuxuuna sheekha Allaha Xifiyee Quraanka ku dhameeyay 7 sano markuu jiray, kadibna sheekha wuxuu u sii gudbay inuu raacdo Barashada Fiqhiga Shaaficiya oo uu ku jiray Barashadaas mudo isagoo sheekha ay u sii dheereyda barashada Luqada Carabiga iyo Culuunta Quraanka iyo Axaadiista, kadib Sheekha Allaha Xifdiyee wuxuu u kicitamay oo u safray dalka Masar si uu u sii faaiideysto, masar oo waqtigaas laga doonana jiray Cilmiga Islaamka, Safarkaas Sheekha allaha Xifdiyee wuxuu kala kulmay mashaqooyin iyo dhibaatooyin badan, markuu tagay Dalka Masar sheekha wuxuu ku biiray Jaamacada Azhar, wuxuu dhigtay dugsiga sare ee jaamacada kadibna kuliyada shareecada & Qaanuunka. kadibna sheekha Alalah xifdiyee wuxuu u sii gudbay waxbarasho ka sii heer koreysa oo ahyd Kuliyada is barbardhiga Shareecada & Qaanuunka, Isla waqtigaas Sheekha wuxuu dhiganayay Machadka hanuunita & dacwada.
  • Dacwadiisa: Sheekha markuu waxbarashadii heer sare ka gaaray ayaa jaamacada Az-har u dirtay wadankeena si halkaas ugu faafiyo dacwada una guto waajibkiisa, Sheekha markuu yimid Soomaliya wuxu ku biiray wasaarada Tacliinta sare, halkaasna uu ka jeedin jiray daruus , wacdiyo iyo waanooyin wax ku ool ah, wuxuu sheekha Masaajidada ka bilaabay daruus kala duwan oo u arkayay sheekha iney shacabka soomaaliyeed u ooman yihiin, Sheekha wuxuu halkaas ka soo saaray Shabaab faro badan oo dhisan Caqiidada saxiixa ah, laakiin arinkaas waxaysan cajabin ragii haysteen dariiqada Suufiyada way oo ka horyimid sheekha, waxayna suufiyada gacan saar la lahayeen Dowlada waqtigaas jirtay, taasina waxay dhalisay in Sheekha alle dartiisa loo xiray Xabsigana uu ku jiray Dhowr sanadood, laakiin xarigaasi sheekha kagama harin inuu xaqa sheego
  • Ardaydiisa: Ducaada wadankeena kuwooda ugu caasna Ee haystaan Manhajka salaf intooda badan hadaanan dhihin dhamaantood waxay ka faaideysteena Sheekha iyadoo aana la tiri karin
  • Gabo gabadii: Sheekha Allaha Xifdiyee wuxu dalka isaga tagay dagaladiisa sokeeye ee qabaailka ku dhisnaa wuxuna tagay Wadanka Imaaraadka carabta halkaas u ka bilaabay daruustii iyo waaniiyinki lagu yaqiin. waxaa la yiraahdaa sida dhabta sheekha waa Aabihii  dacwa Salafiya waa kii soo gaarsiya Dawcada xaqa ah wadankeena. intaasi waa siirada Al-calaamah Waalid Maxamed Nuur Qawi Allaha xifdiyee Oo aad u kooban, waxaan alle subxaana watacaala aan u weydiineynaa Sheekheena inuu siiyo caafimaad taam kuna nooleeyo xaqa kuna dilo, wixi u dhib iyo mashaqo ah kala kulmay dacwadana Allaha ugu buuxiyo miizaankiisa xasanaadka AAAAMIIIN

Note: waxaan ka soo qadanay tarjumadaan Bahda Al-Qurabaa